फरासिला मेमे र इबी

अधिकांश समय हिउँले ढाक्ने क्षेत्र । एकै छिनमा आकाश छ्यांग खुल्छ, एकै छिनमा उघ्रन्छ । कात्तिक÷मंसिरको घमाइलो दिन । चारैतिर हरियाली । माथि–माथि हिउँले खाएका पहाड । पहाडको काखमा झुम्म बस्ती । गाउँले परिवेश कायम राख्दै आकर्षक शैलीमा बनेका घर । ध्वजापतकाले रंगिएका घरका छाना र आँगन । पसिनामा रुझ्दै हिंडिरहेका पदयात्री । जति माथि उक्लियो, त्यति चिसो, उति नै रमाइलो बातावरण, उकाली ओराली हिंड्डाको थकान बिर्साउने ।

ओखरेनी लुटियो

चौतारा–जिल्लाबाट प्रकाशित हुँदै आएको ओखरेनी साप्ताहिक कांग्रेस कार्यकर्ताद्धारा लुटिएको छ । मंगलबार प्रकाशित भएपछि वितरणका लागि बाह्रविसे पु¥याइएको पत्रिका साँझ नेविसंघका पूर्वजिल्ला सचिव युधिर पौडेल र तरुण दल क्षेत्रीय सदस्य बने भन्ने बालकृष्ण बस्नेतले लुटेका हुन् । 

समृद्ध बनाउन आठ बुँदे प्रतिबद्धता जाहेर गर्दै सिन्धुपाल्चोक महोत्सव सकियो

दस्तावेज–२०६८ मंसिर

2011-11-23 07:46:09 | ध्रुव दंगाल

 समृद्ध सिन्धुपाल्चोकको लागि आठ बुँदे प्रतिबद्धतापत्र जारी गर्दै बुधबार सिन्धुपाल्चोक महोत्सव सकिएको छ। आपसबीचको सहअस्तित्व स्वीकार गरी जिल्लाको विकासका लागि सहमती, सहकार्य र एकता कायम राख्ने सामूहिक उद्‍घोष गर्दै यहाँ क्रियाशिल आठ राजनीतिक दलको तर्फबाट प्रतिबद्धतापत्र जारी भएको हो।

सबै पक्षलाई क्रियाशिल बनाइ विकासको मार्गमा अघि बढ्न 'सिन्धु-विकास अभियान' नामक साझा मञ्च गठन गरिएको छ। हाललाई यसको संयोजन गर्ने जिम्मेवारी नेपाल सरकारका पूर्वसचिव पुण्यप्रसाद न्यौपानेलाई दिइएको छ। भौतिक तथा मानव विकास रणनीतिको निर्माणमा सघाउन विकासका साझा अवधारणा कार्यान्वयन गर्ने र सो क्रममा देखापरेका चुनौती संयुक्तरुपमा समाधान गर्ने, दलीय सहअस्तित्वलाई स्वीकार्दै स्वस्थ्य प्रतिस्पर्धाको बातावरण बनाउने, जिल्लावासीको सर्वोत्तम हित निम्ति दलबीचको मतभेदलाई साँघुरो बनाउँदै विकासका मुद्दाहरु सम्बोधन गर्ने प्रतिबद्धता जाहेर गरिएको छ।

भर्जिन भैरवकुण्ड

जुगल हिमाल

पदयात्रा-

कात्तिकको घमाइलो दिनमा घुम्नुको मज्जा बेग्लै । यस पटक गन्तव्य थियो भैरवकुण्ड । अरनिको राजमार्गको आठ किलो हुँदै भोटेकोसी नदी तरेपछि इको बज्र रिसोर्टका सञ्चालक रामकाजी पौडेल र हल्याण्डका टे«किङ व्यवसायी मार्टिन ओल्थोफ् भेटिए । आठ जनाको समूह आपसमा चिनचानपछि गन्तव्य समात्यौं । 

समूहमा अगाडि रहेर पछाडि क्यामेरा सोझ्याउनु र बाटोमा दृश्य भेटेपछि आहा ! भनेर चिच्याउनुको सान बेल्लै । शरिरको पछाडि झोला, गर्धनमा क्यामरा र हातमा लौरो बोकेर म सबैभन्दा अघि लागेँ । बारीभरि झुलेका कोदो बाला, पहेँलपुर सयपत्री र मखमली । लिस्ति गाविसको बेँसी फाँटलाई दाहिने बनाएर उकालो चढ्दा सबैले चंगा महसुस गरिरहेका छन् । दिउँसो गुम्बा गाउँ नजिक पुगेर बस्ती छोड्दै जंगलको बाटो रोज्यौं । पदयात्रामा दृश्यपान गर्नुको रमाइलो अर्कै हुन्छ ।

बस भिरबाट खसाल्ने चालकको लाइसेन्स नै नक्कली

थाङपालकोट बस दुर्घटना-

सिन्धुपाल्चोक-१४ जना गाउँले ज्यान जाने गरी बस सल्लेभिरबाट खसालेर भागेका चालक माइला तामाङले नक्कली सवारी अनुमतिपत्र (लाइसेन्स) बनाएर गाडी चलाउँदै आएको खुलेको छ । पक्राउपछि हिरासतमा राखेर गरिएको दुई साता लामो अनुसन्धानपछि यो तथ्य खुलेको हो । 

गाउँमै सरकारी सेवा पाउँदा गाउँले दंग

महांकाल (सिन्धुपाल्चोक), असार २- महांकाल-१ की पार्वती लामिछानेले ७६ वर्षको उमेरमा नागरिकता बनाइन्। प्रमुख जिल्ला अधिकारी दूर्गाप्रसाद पोखरेलले उनको घरमै आएर हातमा नागरिकता थमाइदिदाँ लामिछाने खुशीले गद्गद् भइन्। 'उमेर छँदा नागरिकता लिनुपर्छ भन्ने हेक्का भएन। बुढ्यौलीले छोएपछि सदरमुकाम जान सकिएन,' लामिछानेले भनिन्, 'यसरी टोली गाउँ आइदिएको भए पहिल्यै बनाइन्थ्यो। बुढेशकालमा भत्ता पाइन्थ्यो।' लामिछानेका ६ छोराछोरी र नौ नातानातिना छन्। नागरिकता लिएकै दिन उनले फोटोसहितको मतदाता नामावलीमा आफ्नो नाम लेखाइन्। भनिन्, 'अब वृद्ध भत्ताका लागि सचिव भेटेर नाम लेखाउँछु।'

आचारमुलक चार सिद्धान्तको कसीमा पत्रकारको अधिकार र उत्तरदायित्व

लेखक : ध्रुव दंगाल

पत्रकारिताको मूलमर्म सार्वजनिक सेवा नै हो । यसले मुख्यतः सार्वजनिक अभिरुचीलाई सर्वोपरी मान्नुपर्छ । मुख्यतयाः सत्य, निष्पक्ष र सन्तुलन (एबीसी) लाई मूल आधार मानेर समाजको सर्वोपरी हितमा समाचारका विषय बनाउनु नै पत्रकारको मुख्य दायित्व हो । यसमा पत्रकारको आचार संहिता (कोड अफ कन्डक्ट) र नैतिक पाटो पनि जोडिएको हुन्छ । जसले समाजप्रतिको दायित्वलाई निर्देशित गर्ने कोसिस गर्छ । सन् १९५०–६० को दशकपछि सुरु भएको आधुनिक पत्रकारितालाई हेर्ने हो भने अहिलेको पत्रकारिता समाज केन्द्रीत छ । अर्थात, समाजले जे माग्छ त्यो नै समाचारका विषय बन्ने गर्छ । हामी प्रायः त्यतातिरै कुदिरहेका छौं । मिडिया समाजबाट टाढा जान सक्ने अवस्था छैन । परम्परागत पत्रकारिताको अभ्यासमा मिडियाले बनाएको अन्तरबस्तु (कन्टेन्ट) सबै अडियन्स ( दर्शक, स्रोता, पाठक) ले पत्याउ‘थे ।

ढिस्कोमा पुरिएर ३ बालबालिका हराए, तीनको उद्दार

सिन्धुपाल्चोक, असार १- जिल्लाको भोटेचौर-२ पौडलेथोकमा आज बिहान बाख्रा चराउन गएका स्थानीय तीन बालबालिकालाई ढिस्कोले पुरेको छ। ढिस्कोले पुरिएर हराइरहेकाहरुको खोजी कार्य भइरहेको छ। अरु तीन बालबालिकालाई भने गाउँलेले सकुशल उद्दार गरेका छन्। स्थानीयका अनुसार ढिस्कोमा हराइरहेकाहरुमा १३ वर्षीय रवि कार्की, १४ वर्षीया सिर्जना खत्री र नौ वर्षीया समिक्षा कार्की छन्।